Kompyuter ng Buhay ko

Sumisinok ang makinang naka-plug sa dinding
Kumakaway ang bintana ko, may malamyos na hangin
Sa tuwing ako'y manunungaw, magbubukas at titingin
Sa mundong ibabaw na puno ng indak sa hardin,
Dito sa loob ko mamasdan, mga sandali at iisipin
Maranasan ang sarap mula umaga hanggang takipsilim.

Malayo sa dahas, malayo sa pahamak
Malayo sa pandinig ng sinumang lilibak
Pag naunsyami may dagling lulunas,
Maganda ang luklukan ko, malambot ang unang,
Masarap yakapin, mahagkan, at iyakan
Habang tinitingnan, mga larawang humaplos sa isipan.

Ngunit ang bintana ko kung minsa'y aba,
Walang mahintay na sulat man o biyaya,
Mainit na sa walang humpay na pagtitiyaga
Maganit na ang mga butones sa katitipa,
Patay-sindi ang kislap, matinding umaasa,
Sa pag-reboot, isang iglap, ika'y bubulaga .

wow ang aswaq .thank's for sharing...