MAY UMAGA PA

ala-ala ng kahapo'y naging paraisong nakabalumbon
isip ay nababalutan ng di kawasang amog at aluyon
nakapinid na mata,puso'y ipinain sa patibong
sumila sa kamalayang ipinaglihi sa bakod ng panahon
totoong tinitinik ko ang awiting itinapon ng mangmang
hungkag daw sa kamalayan hibik sa pakikipagtalastasan
ngunit pinulot ng hamak inawit ng mga mamahayag
na may susog ng abahang may kurot at kamandag
Tutol ang ayaw magpalaya sa nakapiit na kinabukasan
Na di magpahawi sa mga bayani at tapat na kilusan
Dinudumog ng konsensya ang nagmumultong sinimulan
nang dahil sa pangako,sandugo't kapisanang sinumpaan.
Ipipisan ba ng naunyaming bukas ang bigong nakalipas?
O, itutulak s bangin ang umagang may budbod ng alamat,
may bayong bang nakatakip,o maskarang nakalapat?
Armado ng pandarayang kumikitil sa lahing gutom at salat
Kapara ng noon ang sikat ng buwang itinago ang liwanag
umuusbong na hangari'y sikil ng espiritung
Mapagpanggap,binabasag ng hibik ng saklolo ng bayan
mong sumisinghap..
--------------------------------------------------------------------------------------------------------

Nice poem idol thanks for post..