Angelu

by **pegasus202** Fri Mar 28, 2008 1:39 am

Sa pag inog ng panahong malayo sa kinagisnan
napipigil ang damdamin kay tagal na nalulumbay
kahit ika'y mapanukso sa ugat kong himlay
puso ko'y di makukuha't di rin muling magmamahal

nagsanga ang ating landas nang minsang di sinasadya
nagpalitan ng mensaheng di ko naman inakala
ang sabi mo'y damayan ka pagkat ika'y lumuluha
yumabong pa ang palitan ng istorya't karanasan.
Pagdamay lang ang layon ko bilang isang nagmamahal.

Ngunit bakit umaasang puso ko ay ibibigay
pagdamutan lakambini landas ko ay huwag iligaw
ngunit bawa't dapit hapon pilit pa ring niyuyugyug
pinupukaw yaring pusong mahimbing na natutulog
sabik man sa mga yakap sadyang hindi naangkop.

Sa bitag mong hinuhukay hindi pa'rin mahuhulog
sinabi mong puso mo'y masakit at nagdurugo
kahit ako'y matipuno't sa lambing ay nanabik
sing tamis ng awitin ng ibon sa kagubatan...