Paglimot...

by **cesky_efx** Mon Feb 22, 2010 6:20 pm

Sa buhay kong puno ng kalungkutan
walang tinatamasa kundi kasawian
ikaw lang ang tanging nagbibigay kasiyahan
ang tanging pangarap na nais kong makamtan

Sa piling mo,ako ay maligaya
sa 'yong mga ngiti,lungkot ko'y nawawala
sa buhay kong ito,ikaw ang nagbibigay pag-asa
ayoko nang mawala pa,tulad mong anghel sa lupa

Ngunit ika'y isang pangarap na kay hirap abutin
tulad mo'y isang bituin na kay hirap sungkitin
masakit mang isipin,kailangan kong tanggapin
ang isang tulad mo,kailanma'y di mapapasa'kin

Ang pag-ibig kong ito'y isang malaking kahibangan
isang kabaliwan na kailangan nang tigilan
isang kahapon na dapat nang kalimutan
isang pangarap na kailangan nang talikuran

Kahit na magpahanggang ngayo'y wala pa ring katiyakan
kung ang limutin ka'y, akin bang makakayanan
ngunit kahit gayon pa man kailangan kong subukan
nang ang bangungot na ito'y,akin nang mawakasan

Sana bukas sa pag-gising ko
ay naglaho na ang nadaramang ito
puso kong nadapa ay muling tatayo
at tuluyan nang iiwan ang ala-ala mo...